Россия Президенты Дмитрий Медведев "Мәгариф турындагы” Россия Федерациясе Законының 52.5 һәм 55 маддәләренә үзгәрешләр кертү турындагы” Федераль законга кул куйды.   Федераль Закон 2010 елның 22 декабрендә Дәүләт Думасы тарафыннан кабул ителгән һәм 2010 елның 24 декабрендә Федерация Советы тарафыннан расланган.
      Федераль закон нигезендә Россия Федерациясе субъектларына мәктәпкәчә гомуми белем бирү программасын гамәлгә куючы мәгариф оешмаларында ата–аналар түләгән акчаның компенсация күләмен мөстәкыйль билгеләргә мөмкинлек бирә, әмма мәгариф учреждениесенә баласын йөрткән өчен ата–ана түләгән акча күләменең 20 проценттан да ким булмаган өлешен, икенче бала өчен – 50 процентын, өченче һәм аннан соңгы бала өчен 70 процентын, дип хәбәр итә Кремль матбугат хезмәте.